Xəbərlər Xəbərlər

• 10-06-2023

Ü.Hacıbəyli adına Azərbaycan Dövlət Simfonik Orkestrinin konserti keçirilib.

İyun ayının 9-da M.Maqomayev adına Azərbaycan Dövlət Akademik Filarmoniyasının səhnəsində Ü.Hacıbəyli adına Azərbaycan Dövlət Simfonik Orkestrinin konserti keçirilib.

Konsertin əvvəlində musiqişünas Sara Timurova çıxış edərək əsərləri səslənən bəstəkarlar haqqında məlumat verib, onların yaradıcılıqlarını müqayisəli təhlil edərək hər iki əsərin yazılma tarixi barədə maraqlı faktlarla tamaşaçılarla bölüşüb.

Daha sonra dirijor Orxan Həşimovun rəhbərliyi ilə solist - respublika və beynəlxalq müsabiqələr laureatı, Prezident təqaüdçüsü Atabala Manafzadə (piano) öz ifasını dinləyicilərə təqdim edib.

Proqramda İqor Stravinskinin “Simurq Quşu” baletindən Süita (1919-cu il) və Ayaz Qəmbərlinin Piano və orkestr üçün Konserti (2007-ci il) səslənib.