Azərbaycan Dövlət Simli Kvarteti
Azərbaycan Dövlət Simli Kvarteti 1998-ci ildə yaradılıb.Uzun illər ərzində kvartetin tərkibində bir çox istedadlı ifaçılar fəaliyyət göstərib.
Kvartetin repertuarı Azərbaycan və xarici bəstəkarların klassik və çağdaş əsərləri ilə zəngindir.
Kvartetin hər bir peşəkar üzvü yüksək, bədii zövqə malikdir və özlərinə böyük tələbkarlıqla yanaşırlar.
Simli Kvartet hələ 1998-ci ilin sentyabrında Parisdə YUNESKO xətti ilə keçirilən dahi bəstəkar Q.Qarayevə həsr edilən konsertdə, 2000-ci ildə İstanbul şəhərində Cəmil Rəşid Rey konsert salonunda uğurla çıxış edərək vətənimizi təmsil etmişlər.
Hal-hazırda isə M.Maqomayev adına Azərbaycan Dövlət Akademik Filarmoniyasının səhnəsində, Kamera və Orqan Musiqisi Zalında, Azərbaycanın müxtəlif guşələrində keçirilən tədbirlərdə Azərbaycan Dövlət Simli Kvarteti böyük böyük şövq və məharətlə ifa edirlər.
Azərbaycan Dövlət Simli kvartetin tərkibi respublika və beynəlxalq müsabiqələr laureatı Nəzrin Aslanlı (I violin), Xəyalə Abdullayeva (II violin), Azərbaycan Respublikasının əməkdar artistləri Vaxtanq İmanov (viola) və Aleksey Miltıx (violonçel) kimi ifaçılardan ibarətdir.