Bəhram Nəsibovun yaradıcılığına həsr olunmuş konsert
Azərbaycan Respublikasının Mədəniyyət Nazriliyi və “Bəhram Nəsibov yaradıcılığının təbliği” İctimai Birliyinin təşkilatçılığı ilə 2024-cü il aprel ayının 8-də M.Maqomayev adına Azərbaycan Dövlət Akademik Filarmoniyasının səhnəsində bəstəkar Bəhram Nəsibovun yaradıcılığına həsr olunmuş konsert keçirilib.
Bəhram Nəsibovun ilk bəstələdiyi “Qarabağ” mahnısını bu gün Azərbaycanın ən məşhur nəğmələrindən biridir və demək olar II Qarabağ müharibəsinin himninə çevrilərək, müzəffər ordumuzu qələbələrə ruhlandırıb və Qarabağ zəfərində rolu olub. 1965-ci ildə “Arşın mal alan” bədii filmində toy səhnəsində tar ifaçısı kimi epizodik rola çəkilib. Xanəndəmiz Xan Şuşinskinin Filarmoniyadakı studiyasında, sonralar Əhmədxan Bakıxanovun ansamblında tarzən kimi fəaliyyətə başlayıb. 1968-ci il Hindistanda keçirilən Azərbaycan Mədəniyyəti ongünlüyündə mahnıları səsləndirilib. 1975 – 1993-cü illər Bakı şəhər İcraiyə Komitəsi Mədəniyyət Şöbəsinin “Musiqi Orkestrləri Bürosu”nun tabeliyində fəaliyyət göstərərkən “Şahnaz” instrumental ansamblını yaradaraq çıxışlar edib, 2 dəfə fəxri fərman alıb. 1970 – 1980-ci illərdə müəllifi olduğu bir çox “bəhri-təvil”ləri, novellalları Azərbaycan televiziyası ilə məşhur gülüş ustalarımızın ifalarında yayımlanıb. 1982-ci il “Ovda” adlı bəhri-təvili “Kirpi” satirik jurnalının mükafatına layiq görülüb. 1987-ci ildə Suraxanı rayonunun Zığ qəsəbə klubunun dram dərnəyində Mirzə Fətəli Axundovun “Sərgüzəşti-vəziri-xani-Lənkəran” komediyasına rejissor kimi quruluş verib. 1989-cu il Rəhbəri olduğu “Şahnaz” ansamblı ilə Bolqarıstanda konsert səfərində olub. 1990-cı il “Respublika Aşıqlar Birliyi”nə üzv seçilib. 1991-ci ildə, vətənin dar günündə bədii rəhbəri olduğu “Şahnaz” ansamblının adını dəyişərək “Vətən” adlandırıb və cəbhə bölgələrində çıxışlar edib. 1991-ci il Ankarada keçirilən “Azərbaycan günləri” festivalında solist kimi iştirak eib. 1993-cü il Azərbaycanı yox olmaq təhlükəsindən qurtaran xilaskar, Ümummilli liderimiz Heydər Əliyevin hakimiyyətə qayıdışından fərəhlənərək, bu dahi şəxsiyyətin şərəfinə şeirlər, mahnılar bəstələyib. Bu xilaskar qayıdışı alqışlayan ilk sənət adamlarından olub. 1994-ci ildə haqqında ilk dəfə “Ömrün izləri” adlı film çəkilib. 1998-ci il uzun sürən xəstəlikdən sonra vəfat edib.
Müxtəlif illərdə xatirə gecələri təşkil edilib. 1998-ci ildə “Səbuhi” səsyazma studiyasında “İnstrumental” adlı audio-kasset buraxılıb. 2000-ci il Naxçıvan Universitetinin “Ünsiyyət” nəşriyyatında pedaqoji elmlər doktoru, professor Fərahim Sadıqovun “Nəğməli-sözlü Bəhram” adlı kitabı nəşr olunub. Kitaba daxil edilən mahnıları ilə yanaşı lirikası, hekayələri, səhnəcikləri, novellaları, parodiyaları, karikatura mövzuları, bəhri-təvilləri bu gün də xalqımız tərəfindən böyük məhəbbətlə və rəğbətlə qarşılanır. 2009-cu il “TRT” kanalının ərsəyə gətirdiyi “Türk dünyasında savaşların müzikteki izleri” adlı albom-diskinə Üzeyir Hacıbəylinin və Bəhram Nəsibovun mahnıları daxil edilib. 2018-ci il “Bəhram Nəsibov yaradıcılığının təbliği” İctimai Birliyi (qeydiyyatdan keçib) təsis edilib və bu günə qədər Azərbaycançılıq məfkurəsinə xidmət edən layihələr icra edir.
Bəstəkar Azərbaycana aid olan bayramlara, əlamətdar hadisələrə yaradıcılığında geniş yer ayırıb. Toxunmadığı sahə, mövzu demək olar ki yoxdu. Məktəblilər üçün tərbiyəvi səciyyə daşıyan mahnı və şeirlər, vətənə, təbiətimizə, bayrağımıza, təhsilimizə, ziyalılarımıza və müəllimlərimizə, jurnalistlərimizə, kosmonavtikaya, dilimizə, dinimizə, həkimlərimizə, qardaş Türkiyəyə və qurucusu Atatürkə, Turançılıq mövzusuna, bu gün Türk dünyasında aktual mövzuya çevrilmiş Zəngəzur mahalına, Ulu Öndərin təməlini qoyduğu Ümid körpüsünə, 30 ildən sonra bayrağımızın dalğalandığı Xankəndinə, musiqi və muğamımıza, ekologiyamıza, klassik dünya şairlərinin sözlərinə, xarici ölkələrdə yaşayan həmyerlilərimizə, uşaqlarımıza, gənclərimizə, zəhmətkeşlərimizə, 20 Yanvar və Xocalı faciəsinə, Cənub həsrətinə, Qadınlar bayramına, Xalqlar dostluğuna, Neftçilərimizə, Novruz və Yeni il bayramlarına, zəhmətkeşlərimizə, saf sevgiyə, bütün iqtisadi rayon və əzəli ərazilərimizə, şəxs adlarımıza, məzəli duetlərlə toy-düyünlərə, idman sahəsinə, işğal olunan bölgələrə, əsgərlərimizi döyüşə ruhlandıran əsərlər, eləcə də Qarabağ zəfərinin memarı olacaq şəxsə mahnı və marşlar yazıb. Bəhram Nəsibovun bəstəkarlıq, ifaçılıq, şairliyi haqqında bu sahələrin hər birində öz sözünü demiş dahi şəxsiyətlərimiz dəyərli fikirlər söyləyib. Xalqımızın sevimli sənətkarı Bəhram Nəsibovun yaradıcılığına ölümündən sonra da dövlətimiz tərəfindən diqqət göstərilib. Onun yaradıcılığına həsr olunmuş xatirə gecələri keçirilib, müxtəlif televiziya kanallarında verilişlər təşkil olunub. Bu diqqət və qayğıya görə Azərbaycan Respublikası Mədəniyyət Nazirliyi, M.Maqomayev adına Azərbaycan Dövlət Akademik Filarmoniyasının rəhbərliyi və kollektivi, Azərbaycan Televiziyasının rəhbərliyinə ailəsi və bütün sənətsevərlər təşəkkür edir.
Konsertdə Fikrət Əmirov adına Əməkdar Kollektiv Azərbaycan Dövlət Mahnı və Rəqs ansamblının İnstrumental heyətinin (bədii rəhbər və baş dirijor: Azərbaycan Respublikasının Xalq artisti Ağaverdi Paşayev; musiqi rəhbəri Mahir Ordubadi) və solistlər - Azərbaycan Respublikasının Əməkdar artistləri Nuriyyə Hüseynova, Almaz Orucova, Sevinc Sarıyeva və Ehtiram Hüseynov, Respublika və beynəlxalq müsabiqələr laureatı Vəfa Vəzirova, Fərhad Allahverdiyev, Rəvanə Qurbanova, Hüseyn Məlikov, Ümidvar İsmayılov, Günay İmamverdiyeva, Murad Laçınlı, Ayşən Eminli, Kamran Şəkərovun ifasında “Güləndən sonra”, “Naçar gedər”, “Sən də həmdəm, mən də həmdəm”, “Ay gecikən məhəbbətim”, “Xatırla məni”, “Elə bəndəm”, bəstəkarın öz sözlərinə bəstələmiş olduğu “Var gülüşündə”. “Qal sənə qurban”, “Eşqimin baharı”, “Deyin hardadır”, “Ay dəli ceyran”, “Gözlərin”, “Səni qəmli görəndə”, “Qarabağ” mahnıları səslənib.
.JPG)
.JPG)
.jpg)
.jpeg)
.jpeg)
.jpeg)
.jpeg)
.jpeg)
.jpeg)
.jpg)
.JPG)
.JPG)
.jpeg)
.JPG)
.JPG)
.JPG)
.JPG)
.JPG)
.JPG)
.JPG)
.JPG)
.JPG)
.jpeg)
.JPG)
.jpg)
.jpeg)
.jpg)
