Xəbərlər Xəbərlər

26-04-2024

Görkəmli oftalmoloq-alim, akademik Zərifə Əliyevanın xatirəsinə həsr olunmuş “Yeni adlar” layihəsi çərçivəsində növbəti konsert

26 aprel tarixində M.Maqomayev adına Azərbaycan Dövlət Akademik Filarmoniyasının səhnəsində görkəmli oftalmoloq-alim, akademik Zərifə Əliyevanın xatirəsinə həsr olunmuş “Yeni adlar” layihəsi çərçivəsində növbəti konsert keçirilib.

Dirijor Mustafa Mehmandarovun rəhbərliyi, Ü.Hacıbəyli adına Azərbyacan Dövlət Simfonik Orkestrinin (bədii rəhbər və baş dirijor Azərbaycan Respublikasının Əməkdar artisti Fuad İbrahimov) müşayiəti ilə solistlər - Respublika və beynəlxalq müsabiqələr laureatları Nərminə İsmayılova (piano), Rüstəm Zeynalov (piano), Zərrin Əliyeva (violin), Humay Hacızadə (viola) və Aynur Abdullayeva (violin) öz ifalarını dinləyicilərə təqdim ediblər.

Konsertdə C.Saint-Saens “Le Carnaval des animaux” süitası, M.Bruch viola və orkestr üçün “Romans” F-dur (op.85), M.Ravel “Qaraçı qızı” rapsodiyası və S.Raxmaninov Paqanini mövzusuna rapsodiya, a-moll (op.43) səslənib.

Məlumat üçün nəzərinizə çatdıraq ki, “Yeni adlar” müasir Azərbaycan ifaçılıq sənətinin inkişafına, bu sahədə yeni istedadlı nəslin tanınmasına, parlaq ifaçıların yetişməsinə xidmət edən layihədir.